ليــــــــــــش متـــــــــــردد ... اهداء خاص

اهــــــــــــ خاص ــــــــــــــداء

الليلة صوتك
مو مثل صوتك هذاك
بي برائة وعاطفة.. ونبرة طفل
الليلة روحك
جاية ادور امان
وخايف اعلة اسرار.. گلبك تنسأل
***
هاي بيبان الگلب
مفتوحة ليك
ومن سمعنة اسمك.. تكسر كل قفل
ليش متردد زرع حبك
يريد
من زمان ابگاعنة.. بحب ينشتل
***
ومن زمان اعيونة
ادور ضواك
رمد شوف الناس.. بس شوفك كحل
شوف وجهك
شمس واتضوي الدروب
والتمر من يمة طبعا.. ينذهل
***
منشغل بيك اعترف
چنك ملاك
ومنهو غيرك يستحق.. بيه انشغل
ومن اعوفك انكتل
واخسر هواك
ومن اضل وياك.. هم راح انكتل
انكتل بيك
بسبب حسنك عجيب
والعجيبة بگلبي.. ما غيرك يحل
***
ما املك
يا حلم ما ادري ليش
اشما تمر بالعين.. منك ما تمل
اشما كبرت بعين
تزغر
والسنين
يصيرن باول عمر.. لمن تهل
***
يبو عگد الثالث
ازغير وچبير
وانت بين اثنينهن... نفس الشكل
اسنينك العقلك
اذا گالو چبير
وروحك ازغيرة.. يبو اچبير العقل
***
بعد روحك
تركض بنص الجهال
وتلعب وياهم.. لعب.. جر.. الحبل
يا بو وجنات الورد
ما مر صباك
لون ذابل.. چان عافاك النحل
بعد عطرك ما خلص
توة الربيع
يناغم بعمرك.. يريدك تكتمل
***
انزع اسنينك
اذا كبرن عليك
بعدك ازغير وكبر.. ما تحتمل
عالگمر منگول
عمرة اشگد چبير
انگلة ابن اربع طعش. كل ,ما يهل
والشمس اكبر بعد
واكثر اكيد
ومن عمرها الشمس,, شو ما تنفعل
وانت احلا امن الگمر
وازغر اكيد
والشمس لو عدها عمرك... تحتفل

تسلم الايادي
موضوع في غاية الجمال
لا حرمنا الله تواجدك
ومعك اجمل الموضوعات
تحياتي وودي لك
اخوكم انور ابو البصل

» : اهداء بعض نبضي لكل القراء والزوار
» يــــل حـــته الــكَمر من شـــافك إنــــغر بيـــــك ... اهداء خاص