يسولفلي الكمر عنك يكول اشكال
ويحجيلي عليك وكلشي يذكر
اصور كمر يحجي بجمال البيك
يعني الكمر شافك كلي شصور
اتصور اودك يا عزيز الروح ومضيع هله وعل شوفه يتحسر
ياعيد اليمر بالسنه بس مرتين
وانا كلما اشوفك عيد اتبشر
وتصور حنانك بحر من يكبر
وتصور تبوك النجم منه بيوم
وتجي مخبوصه بيك بلا وعي وتفتر
وتصور يعوفه السمه يحظن بيك
وتصور النور العنده يتستر
وينسون الكمر والليل كل الناس لان انت بمكانه اصير من تحضر
صدكني بغيابك كلشي بيه ايصير
آلآم وحزن وهموم واتحير
من دونك وحيد وحالي حال الضاع
ومن احجي كلامي وياك كله اللوان
بي احمر وردي وابيض واخضر
وبي اللحان حلوه وتعزف عله العود
واشعاري بغلاتك بالوصف تسكر
وحروف اللغه كله تحت ايديك
حتى الهمزة والكسرة وحروف الجر
منقول
الرئيسية 
موضوع: يسولفلي الكمر عنك يكول اشكال 
