ضمني لحضك دخيلك سكني قلبك ياااااااااااااااا

قصتها
جالس مع واحد من ربعي تحكمنا العزابية والغربة بحكم العمل
فحسيت ان بخاطري شي وده يطلع ماعرفت شلون ابدا مطلع القصيد
فسألته هات لي كلمتين ابدا بها قصيده فكر شوي قال (والله مافي شي) وسكتنا
فطرت على بالي كلمة (مافي شي) وطلع ماطلع
انشالله القصيده تحوز على رضاكم وحتكون اولى محطاتها هذا المنتدى الذي لا اعرف سواه حاليا
فهي اهذاء بسيط لآل طيف الكرام


مافي شي


مافي شي ..غير اني اعشق ابتسامك والعيون...............
....................كل شي فيني تعلق في غرامك وارتضيت
التفاتاتك وهمســــــك والرمش ويا الجفــــــون...............
...................وخطوتك لامن تهادت انتثر لك لو بغيت
التعب كان بحياتي وجيت بيديك السكون..................
..................بدل التاريخ دربي.. وبشعوري لك سريت
كان ياما كان قبلك ناس راحو أو يجون....................
.................مابتدى عمري ولكن يوم (شفتك) ابتديت
في زمن قاسي لقيتك وافي وقلبك حنون....................
.................كلك احسـاس ومشاعر مثلك انته مالقيت
آه ياحظٍ خذاني قبل اعرفك للجنــــون.....................
...............رحمة الخالق لفت بك والا من صغري انتهيت
ضمني لصدرك دخيلك فدوتك روحي وتمون.................
................عوض جروح الليالي... خلني بحضنك ابيت
ايه ابي قربك حبيبي وكل هالعالم تهون.....................
....................انت بس اللي سحرني كان باقي مادريت
اعشقك عشق المظاليم لمفارقة السجون....................
....................واوعدك لابقى أسيرك ياحبيبي ماحييت
بس لا تسأل وانا اللي ذبت في هذي العيون...............
................مافي شي غير ان قلبي حبك وفيك ارتضيت


وسلامتكم