شعر عن الملك عبدالله بمناسبة رجوعه

سلام الله سلام معطر بريـح النفـل والعـود ....

وريح المسك والعنبر مع الريحـان والكـادي

علي كنق تعلا بالمكارم فـوق راس الطـود ....

سعوديً على كسب العلا والطيـب معتـادي

0

0

0

0

0

0
سعوديً عطى للدار تفكيـر وعمـر وجهـود ....
وخلاها على كـل الديّـر تفخـر وتـزدادي

0

0

0

0

0

0

0

تعلت فوق هامات الجبـال النايفـات السـود ..

لها في مرقب الأمجـاد والطـولات مقعـادي





لها بين الدول وسط المحافل موقف ٍ محمـود ....


وفي كل القضايا دورهـا مشهـود وريـادي




حكمها واحد ٍ ماهو يحسب حساب نقص وزود ....

قديمات الفعايـل زادهـا بأفعـال ٍ جـدادي

بنى داره وأسسها على صرح الكرم والجـود ....

وصارت دار أبو متعب ملاذ لكل الأجـوادي

ولو مهما حكينا ما وصفنـا طيبـه المعهـود ....

عبدالله من فوق كـل الطيبيـن بطيبتـه زادي

كريم ٍ بالعطا ماله قيـاس ولا عليـه حـدود ....

جزيل المد مثل السيل لا سيّـل علـى وادي

محنك صارم ٍ حاسم يحـل الكايـد المعقـود ...

. إلامن وقفـت الأريـا لـه الأسيـاد تنقـادي

عبد الله يادرعنا الضافي عبدالله يا سيفنا المحـدود ....

عبدالله ياذخرنا يا عونّا لامـن حـدى الحـادي

عبدالله يانورنا الساطع عبدالله يا ظلنـا الممـدود ....

عبدالله يا نجمنا اللي في سمانا يرشـد الغـادي

ألا يا نصرة المظلوم ياريف الضعيف العـود ....

وألا يا مزبن الجاني وأبـو يتمـان الأولادي

وألا يا ستر عذرى ٍ تنتخي لاثـوّر البـارود ....

من العدوان بأسمك تنتخي وتصيـح وتنـادي

عليك الله ُ أكبر لا لالبست الطاس والماهـود ....

وتقدم صامل ٍ ماهو يهمـك كثـر الأعـدادي

وفي يمناك سيف ٍ للمعارك جاهـز ٍ مجـرود ....

ومانسيت ولي العهـد للدولـة ذرى وظـلال وسنـادي

ولي العهد يسهر ليلتـه يـوم العبـاد رقـود ....

يحرس الدار مع جيشه وضباطه والأفـرادي

كريم الكف محمود السجايا فزعة المضهـود ....

شديد الباس لاجات الشدايد ضـد الأضـدادي

ودون الدار كل الشعب لاصاح النذير جنـود ....

أهلها دونهـا يحمونهـا بسيـوف ٍ حـدادي

إلى جاها عدو ٍ معه ماجـاب الكـلام الفـود ....

يفيد السيف لاصار الكـلام الزيـن مافـادي

نبيع الروح دون الدار ما نحسب لها مـردود ....

وقايدنا ابو متعب لاجـا لهـا بـارق ورعّـادي

نطيعه طاعة ٍ عميا كما الجنّـه وإبـن داوود ....

وتدفعنـا محبتنـا نحقـق كـل مــا رادي

على حوض المنايا لو أمر ننزل عليـه ورود ....

وردنـا كلنـا مـا بينّـا فالأمـر نـشّـادي

وأنا لا قلت ماقول الكـلام إلا عليـه شهـود ...

وأحسب حساب منهو فالشعر والقول نقـادي

نظمت الشعر مالي فيه لا غاية ولا مقصـود ....

ويكفيني فخر لامن نظمت الشعـر فـبـلادي

أغوص بغبة بحوره وأجيب اللولو المنضـود ....

وأقدمها لـدار ٍ تفخـر بتاريـخ الأجـدادي

ألا هبي على دار السعودي ياهبـوب النـود ...

على دار الكرم دار الشهامـه دار الأجـوادي