قفل بيبانـــك يا شتا

قفل بيبانك يا شتا
وأستر مشاعرى
مش كل مرة يا شتا
تلخبطلى شِعـرى
وأبان ضعيف / ..
فى الكام قصيدة اللــ أمتلكهم
قفل بيبانك يا شتا / أنا مش مالكهم
قاعدين يشيلوا و يرزعوا فى الذكريات
هنا حب عاشله كام سنه
وهنا حب مات
قفل بيبانك يا شتا
وأستر مشاعرى
مش كل مرة يا شتا
تفضحلى شعرى
مش كل مرة يا شتا / ..
هقدر أدارى دمعتى فى حبة مطر
مش كل قهوة هتتشرب لجل الدفى
هلقى فى خطوطها بيتكتب / سكة سفر
قفل بيبانك يا شتا وبلاش هواك
يلعب بقلبى زي أوراق الشجر
قفل بيبانك يا شتا أنا مش ملاك
أنا لسه برضه يا شتا كيف البشـر
ببكي وبحزن وأتوجع
قفل بيبانك يا شتا / بطّل وجع
لا أنا قلبى حملك يا شتا
ولا حمل شِعـرى
قفل بيبانك يا شتا
وأستر مشاعرى

يسلمووووووووو