قامت تسوق الشوق منـاّ ومنّـاك

ماأمداك تنساني ولا أمداني أنساك
0000ماغبت عنـك ألاّ ثلاثـة ليالـي

وإن قلت لي يمديك والله ما أمداك
0000مسرعـك تجفانـي وتبعـد مجالـي

ثلاث مرّني بذكـرك وطريـاك
0000وحطّن طيوفك بين فكـري وبالـي

أتلا العهد بك يوم صافحت يمناك
0000وحلّفتني ما أقطع حبـال الوصالـي

وأنا على حلفك وعرفك ومعنـاك
0000وأثرك علـى ماقيـل ياهمّلالـي

رحت أتخيّـل نـور طلّـة محيّـاك
0000وأرسم وأبروز صورتك في خيالـي

سلبتني عقلـي وأنـا وافـي إدراك
0000تقول مالـي راس يـاراس مالـي

تبّت يدين الشـك جابـك وودّاك
0000وخلاّك تتركنـي وحيـدٍ لحالـي

مازان فالك لين شانـت نوايـاك
0000وإن قمت أزيّن نيتـي شـان فالـي

مدري غشاك الكبر يوم إني أهـواك
0000وألاّ موافق لـك حبيـبٍ بدالـي

اللي على لساني وصلـك وتعـداك
0000واللي بصدري كلمـة ٍماتقالـي

أزايم اللوعـات وأقـول تفـداك
0000يا كثر ما شالت قلـوب الرجالـي

الله يساعدني علـى طـيّ ذكـراك
0000ياللـي تراودنـي علـى ماطرالـي

سويّت ( قرعه ) بين وصلك وفرقاك
0000ورست على فرقاك وألاّ أنت غالـي